Iran gjenopptek eksport til Saudi-Arabia som teikn på forbetra relasjonar

0
Utsikt mot Naqsh-e-Jahan i Esfahan, Iran

Av Dave DeCamp. Anti-War.com.

Dei to landa har vore engasjert i samtalar sidan april. 

Iran meddelte sundag at dei har gjenoppteke eksport til Saudi-Arabia som eit teikn på forbetra relasjonar mellom dei to landa. 

Talsmannen for Irans tolladminstrasjon Roohollah Latifi sa at Saudi-Arabia har “igjen hamna på” lista over land som Iran eksporterer til. Latifi sa at eksport til Saudi-Arabia hadde “nådd null” i det siste iranske skatteåret, som slutta 20.mars 2021. 

Sist veke uttrykte Iran at dei “var klare for” å eksportere til Saudi-Arabia dersom spenningane vart redusert. Dei to landa har halde samtalar på og av sidan april, då Bagdad byrja å mekle i forhandlingane. 

På fredag sa Saudi-Arabia sin utanriksminister at Riyadh “meinte alvor” i å ha samtalar med Iran om å reparere relasjonane. Sidan 2016 har ikkje dei regionale rivalane hatt formelle diplomatiske relasjonar. 

Amerikansk intervenering i regionen forverra rivaliseringa mellom Riyadh og Teheran. Til dømes, når iranske general Qassem Soleimani vart drepen av eit amerikansk droneåtak i Bagdad i januar 2020, skulle han etter planen møte Iraks tidlegare statsminister, som var i ferd med å leggje til rette for indirekte samtalar mellom Teheran og Riyadh. 

Sjølv om USA framleis er djupt forankra i Midtausten og framleis støttar saudiane i Yemen, har Biden-administrasjonen teke steg for å redusere deira militære fotavtrykk i regionen, inkludert å fjerne Patriot-antimissilbatteri frå Saudi-Arabia. 

Oversatt av HFANoreg for Derimot.no.

Les også: Dominoene faller. USA henger Saudi-Arabia ut til tørk.

Russland og Saudi-Arabia undertegner avtale om militært samarbeid

Saudi-Arabia og Syria i ferd med å gjenåpne forbindelser

Forrige artikkelMartine Rothblatt – en samtidens Ivanovich Selivanov?
Neste artikkelTronsmo bokhandel blant de kuleste bokhandlene i verden